नगरपालिकास्तरीय माटो परिक्षण रेसुङ्गा नगरपालिका ११ राङबासमा
२३ जेठ २०७५ गुल्मी,–––
रेसुङ्गा नगरपालिका वडा नं ११ राङबास गुल्मीमा आज नगरपालिका स्तरीय माटो परिक्षणको उद्घाटन शत्रको कार्यक्रम सम्पन्न भएको छ । नगरप्रमुख डिल्लीराज भुसालको प्रमुख आतिथ्यता रहेको कार्यक्रममा नगरपालिकाका प्रमुख प्रशासकिय अधिकृत मुक्तिाराम अर्याल,वडा नं १० का वडा अध्यक्ष पदम प्रसाद अर्याल लगायतको आतिथ्यता रहेको थियो । वडा नं ११ का वडा अध्यक्ष खुम बहादुर खत्रीको अध्यक्षता रहेको उक्त कार्यक्रमको सञ्चालन रेसुङ्गा नगरपालिका कृषि विकास शाखाका प्रमुख चेतनारायण पन्थीले गर्नुभएको थियो । उक्त माटो परिक्षण शिविर सञ्चालन गर्नका लागि क्षेत्रिय माटो प्रयोगशाला पोखराबाट २ जना प्राविधिकहहरुको उपस्थितीमा माटो नमुना जाँच गरी,माटो भएको पि.एमको मात्र कुन अवस्थामा छ,नाइट्रोजन,फस्फोरसर पोटासियमको मात्रा कुन अवस्थामा छ भनी जानकारी गराईएको थियो । उक्त माटो परिक्षणमा नगरपालिकाका प्रत्येक वडाहरुबाट करिब २ सय ३१ जना कृषकहरुको उपस्थिति रहेको थियो । कृषकहरुले आफ्नो खेतबारीमा भएको माटो परिक्षण गर्न ल्याएका थिए ।