राष्ट्रपतिबाट सन्तपुर एकीकृत नमुना बस्ती हस्तान्तरण

रौतहट, माघ २३ । धुर्मुस–सुन्तली फाउन्डेसनले निर्माण गरेको रौतहटको सन्तपुर एकीकृत नमुना बस्ती मंगलबार समुदायलाई हस्तान्तरण गरिएको छ ।

भूकम्पप्रतिरोधात्मक सुविधासम्पन्न ४७ ओटा घर राष्ट्रपतिले समुदायलाई हस्तान्तरण गरेकी हुन् ।

धुर्मुस–सुन्तली फाउन्डेसनले निर्माण गरेको रौतहटको सन्तपुर एकीकृत नमुना बस्ती समुदायलाई हस्तान्तरण गर्न राष्ट्रपति विद्यादेवी भण्डारी स्वयं नै उपस्थित भएकी हुन् ।

मंगलबार एक कार्यक्रमबीच राष्ट्रपतिले बस्ती निर्माण समितिका अध्यक्ष सत्यनारायण माझीलाई बस्तीको साँचो हस्तान्तरण गरिन् ।

बस्ती हस्तान्तरण गर्दै राष्ट्रपति भण्डारीले यस्तो समाजसेवामा सबैजना लाग्नुपर्नेमा जोड दिइन् ।

देशको उन्नतिका लागि सबै क्षेत्र, वर्ग र समुदायको समान र सन्तुुलित विकास गर्न जरुरी रहेको राष्ट्रपति भण्डारीको भनाइ छ ।

बस्ती अपांगमैत्री, बालमैत्री र वातावरणमैत्री संरचनाअनुसार बनाइएको धुर्मुस–सुन्तली फाउन्डेसनका अध्यक्ष सीताराम कट्टेलले जानकारी दिए । यो सफलता सबै नेपालीको भएको पनि उनको भनाइ छ ।

कलाकारद्वय सीताराम कट्टेल ‘धुर्मुस’ र कुन्जना घिमिरे ‘सुन्तली’को पहलमा रौतहटको चन्द्रपुर नगरपालिका–८ सन्तपुरमा भवन निर्माण गरिएको हो ।

बाढीपीडित दलित परिवारका लागि भूकम्पप्रतिरोधात्मक सुविधासम्पन्न ४७ ओटा घर निर्माण गरिएको छ ।

गत असोज ४ मा शिलान्यास गरिएको नमुना बस्तीमा सामुदायिक भवन, मन्दिर, क्लब, भ्यू टावरसमेत बनाइएका छन् ।

गत साउनमा आएको बाढीले गाउँका दलित परिवारको घर डुबानमा परेपछि धुर्मस–सुन्तलीको पहलमा सुविधासम्पन्न घर बनाइएको हो ।

करिब ५ करोड ९६ लाख रुपैयाँको लागतमा निर्मित बस्तीमा कलाकार धुर्मुस दिनरात आफैं खटेर काम गरेका थिए । धुर्मस–सुन्तली फाउन्डेसनको यो चौंथो परियोजना हो ।

बस्ती हस्तान्तरण कार्यक्रममा लोकप्रिय कलाकारद्वय मदनकृष्ण श्रेष्ठ र हरिवंश आचार्य एवं देश तथा विदेशका विभिन्न व्यक्तित्वको सहभागिता थियो ।

इन्जिनियर्स दिवस मनाइँदै

काठमाडौं । नेपाल इन्जिनियर्स एसोसिएसनले विभिन्न कार्यक्रम गरी ५५ औं इन्जिनियर्स दिवस मनाउँदैछ । दिवस सोमबार (आज) र मंगलबार (भोलि) दुई दिन मनाइँदैछ

मनसुन आजदेखि फेरि सक्रिय, देशभर पानी पर्ने

साउन ६ – केही दिनदेखि कमजोर रहेको मनसुन शुक्रबारदेखि सक्रिय हुने मौसमविदले बताएका छन् । मनसुनी न्यूनचापिय रेखा मध्य नेपाल नजिकै आइपुगेकाले अबको केही

बाढी र पहिरोमा परी ३५ जनाको मृत्यु, हजारौंको विचल्ली

साउन २९  काठमाडौं  – । शुक्रबार रातिदेखि परेको अविरल वर्षाका कारण देशैभर बाढी र पहिरोले जनधनको ठूलो क्षति पुर्‍याएको छ । सुनसरी, सिन्धुली,

दशैंको मुखमा चामल र दालको मूल्य बढ्यो

२८ भदौ, काठमाडौं । दशैंको मुखमा उपभोग्य वस्तुमा राहत दिनुपर्नेमा व्यापारीले उल्टै मूल्य बढाएका छन् । व्यापारीले अत्यावश्यक खाद्यान्न चामल र दालको