नेपाली कांग्रेसका युवा नेता गगन थापा काठमाडौं क्षेत्र नम्बर ४ बाट सांसद निर्वा्चित


काठमाडौँ मंसिर २३ ––
नेपाली कांग्रेसका युवा नेता गगन थापा काठमाडौं क्षेत्र नम्बर ४ बाट सांसद निर्वा्चित भएका छन् ।केहिबेर अघि सम्पन्न मतगणनामा वाम गठबन्धनका तर्फबाट एमाले उम्मेदवार डाक्टर राजन भट्टराईलाई ३ हजार भन्दा बढी मतले पछि पार्दै थापा विजयी भएका हुन् ।थापा २१ हजार ५५८ ल्याएर काठमाडौं ४ बाट दोस्रो पटक निर्वा्चित भएका हुन् । यसअघि २०७० सालको संविधानसभा निर्वाचनमा पनि थापाले यही क्षेत्रबाट जितेका थिए । उनका निकटतम प्रतिस्पर्धी एमालेका डा. राजन भट्टराईले १८ हजार १४० मत पाए । यस क्षेत्रबाट विवेकशील साझा पार्टीकी उम्मेदवार सुवुना बस्नेतले ३ हजार ४० पाइन् ।

काठमाडौ क्षेत्र नं. ४ बाट प्रतिनिधि सभा सदस्यमा विजयी भएका नेपाली काँग्रेसका उम्मेदबार गगन कुमार थापाले काँग्रेसलाई जरैबाट पुर्नसंचना गर्ने अठोट गर्न आह्वान गरेका छन् । काँग्रेसले धेरै निर्वाचन क्षेत्रमा पराजित भएपनि यस्ता आरोह अवरोह काँग्रेसको जीवनमा धेरै आईरहेकाले निराश नहुन पनि उनले आग्रह गरेका छन् । आफु निर्वा्चित भएपछि पहिलो पटक आफ्नो निर्वाचन क्षेत्र रातोपुलमा काँग्रेसको बडा समितिले आयोजना गरेको विजयसभामा काँग्रेस नेता थापाले आफ्ना मतादाताहरुलाई धन्यबाद दिदै अबको कार्यकाल समृद्धिको कार्यकाल बनाउने प्रतिबद्धता जनाए । शिक्षा र स्वास्थ्यमा सवैको समान पहुँच, विदेशीएका नेपालीलाई स्वदेश फर्काउने र बस्नयोग्य काठमाडौ बनाउने आफ्नो अठोट स्मरण गरे । देशभरीका उम्मेदबारहरु मध्ये सवै भन्दाबढी आफु विरुद्ध प्रपोगाण्डा भएको भन्दै उनले आफ्ना मतदातालाई प्रपोगाण्डाले असर गर्दैन भन्ने पुष्टी भएको बताए । आफुसँगै प्रतिस्पर्धा गरेका एमालेका राजन भट्टराई र विवेकशिल साझाकी सुवुना बस्नेतलाई उनले समृद्धिका लागि मिलेर काम गर्न आह्वान पनि गरे । केहीदिन अगाडी आफुप्रति लक्षित गर्दै बम हमला हुँदा घाइते भएकाहरुको स्मरण गर्दै उनले उनीहरुको घाउमा नुनचुक छर्केजसरी एमाले अध्यक्ष केपी ओलीले तल्लोस्तरको टिप्पणी गरेकोमा खेद व्यक्त गरे । देशैभरी भईरहेको बम आक्रमणको घटनाको सवैले निन्दा गरिरहेका बेला आफु विरुद्ध भएको आक्रमणलाई ओलीले सुनुयोजित भन्दै तल्लोस्तरको व्यवहार र अहंकार देखाएको टिप्पणी गरे । उनले भने “यस्ता अहंकार गर्ने धेरै जनालाई डुबाएको छ, त्यसको मुल्य पार्टी र देशले धेरै चुकाउनु पर्ने हुन्छ, त्यसैले त्यस्ता अहंकार नगर्न ओलीजीलाई आग्रह गर्दछु ।” यस्तै आक्रमण ओली माथि भएमा एमालेका साथी भागेपनि काँग्रेसले डटेर विरोध गर्ने भएकाले हिंसालाई कसैले प्रोत्साहन गर्न नहुने नेता थापाको भनाई छ । थापाले ओलीलाई चेतावनी दिँदै भने “एमाले अध्यक्ष तथा जो अब प्रधानमन्त्री बन्दै हुनुहुन्छ, उहाँले काठमाडौंमा भएको बम विस्फोटलाई अत्यन्त हल्का ढंगले लिनुभयो । हल्कामात्रै होइन, निकै तल गिरेर टिप्पणी गर्नुभयो । साथीहरु अहिले पनि अस्पतालमा छन् । उहाँले प्रायोजित भनेर भन्नुभयो । उहाँले निर्वाचनको प्रयोजनलाई मात्रै हेरेर मेरो क्षेत्रमा आएर त्यसो भन्नुभयो । यो उहाँको अहंकार हो ।” काठमाडौ चारमा तेस्रो पटक लगातार सानदार विजयी भएको उल्लेख गर्दै उनले अझ १५ बर्ष सक्रिय राजनीति मार्फत् नेपाली जनता र मातृभूमीको सेवामा समर्पित हुने बताए । प्रदेश तर्फका उम्मेदबारहरुको नतिजा आएपछि मात्रै विजय र्याली सहित मतदाताको घर दैलोमा धन्यबादका लागि जाने उनले जानकारी दिए ।

 

इन्जिनियर्स दिवस मनाइँदै

काठमाडौं । नेपाल इन्जिनियर्स एसोसिएसनले विभिन्न कार्यक्रम गरी ५५ औं इन्जिनियर्स दिवस मनाउँदैछ । दिवस सोमबार (आज) र मंगलबार (भोलि) दुई दिन मनाइँदैछ

मनसुन आजदेखि फेरि सक्रिय, देशभर पानी पर्ने

साउन ६ – केही दिनदेखि कमजोर रहेको मनसुन शुक्रबारदेखि सक्रिय हुने मौसमविदले बताएका छन् । मनसुनी न्यूनचापिय रेखा मध्य नेपाल नजिकै आइपुगेकाले अबको केही

बाढी र पहिरोमा परी ३५ जनाको मृत्यु, हजारौंको विचल्ली

साउन २९  काठमाडौं  – । शुक्रबार रातिदेखि परेको अविरल वर्षाका कारण देशैभर बाढी र पहिरोले जनधनको ठूलो क्षति पुर्‍याएको छ । सुनसरी, सिन्धुली,

दशैंको मुखमा चामल र दालको मूल्य बढ्यो

२८ भदौ, काठमाडौं । दशैंको मुखमा उपभोग्य वस्तुमा राहत दिनुपर्नेमा व्यापारीले उल्टै मूल्य बढाएका छन् । व्यापारीले अत्यावश्यक खाद्यान्न चामल र दालको