इस्मामा सामुदायिक स्वास्थ्य क्लिनीक स्थापना


रेडियो रेसुङ्गा      
गुल्मी भदौ २३ ––
इस्मा गाउँपालिकामा सामुदायिक स्वास्थ्य क्लिनीक सञ्चालनमा आएको छ । गाउँपालिकाको वडा न २ छल्दी पनाहमा शुक्रवारबाट स्वास्थ्य इकाई स्थापाना तथा सन्चालनमा आएको छ ।
     वडा बिभाजन भैसके पश्चात् आधारभूत स्वास्थ्य सेवा, नियमित स्वास्थ्य परिक्षण गर्न गर्भवती महिला, बालबालिका को खोप लगाउन पनि वडा न १ मा वा सदरमुकाम धाउनु पर्ने बाध्यता थियो ।  वडा न २ म स्वास्थ्य संस्था नभएको अवस्थामा अहिले अस्थायी रुपमा भए पनि तत्काल जनताको घर आगन्बाटै सेवा दिन सुरु गरिएको  इस्मा गाउँपालिका कार्यकारी अधिकृत पोखरेलले जानकारी दिए ।
    यस भेगका जनतालाई नजिकै स्वास्थ्य चौकी तथा स्वास्थ्य सेवा लिने ठाउँ नहुँदा समान्य बिरामी पर्दा पनि सदरमुकाम तम्घास जानु पर्ने बाध्यता थियो । वडा  स्तरमै स्वास्थ्य चौकीको माग गर्दै स्वास्थ्य मन्त्रालयमा माग गरि पठाइएको गाउँपालिका कार्यकारी अधिकृत पोखरेलले जानकारी दिए ।
     सामुदायिक स्वास्थ्य इकाईको जिल्ला समन्वय समिति गुल्मीका प्रमुख लक्ष्मण पराजुलीलले एक कार्यक्रमका बिच उदघाटन गरेका थिए । स्वास्थ्य इकाईको उदघाटन गर्दै प्रमुख पराजुलीलले जनतालाई घरदैलो मै सर्बसुलभ तरिकाबाट स्वास्थ्य सेवा लिन मद्दत मिल्ने बताए । अब यस वडाका नागरिकलाई घरछेउमै स्वास्थ्य सेवा लिन पाउने पराजुलीले बताए । वडा बिभाजन पश्चात यस वडामा स्वास्थ्य सेवा लिनबाट बञ्चित जनतालाई यस क्षेत्रमा पायक पर्ने सबैले स्वास्थ्य इकाईबाट सेवा लिन पराजुलीले आग्रह गरे  । उद्घाटन कार्यक्रममा गाउँपालिका अध्यक्ष लक्ष्मण बिष्ट, जिल्ला जनस्वास्थ्य अधिकृत,गाउँपालिका कार्यकारी अधिकृत सरोज पोखरेल, वडा २ का वडा अध्यक्ष लगायतको उपस्थिती रहेको थियो ।
     गाउँपालिकाले मेडिकल कलेज, विभिन्न परोपकारी संस्थाहरुसँग समन्वय गरी वर्षमा चार पटक विशेषज्ञ सेवा सहितको स्वास्थ्य शिविरहरु सञ्चालन गर्ने गाउँपालिका अध्यक्ष लक्ष्मण बिष्टले जानकारी दिए । इस्मा स्वास्थ्य चौकीमा प्रयोगशाला सञ्चालन, साथै विशेषज्ञ डाक्टरहरुसँग परामर्श गर्न टेलिमेडिसिन सेवाको सुरुवात गरिने कार्यक्रम गाउँपालिकाले अगाडी बढाएको छ ।

 

गुल्मीमा पहिलो पटक आधुनिक प्रविधीको मेशिनबाट धान रोपाई सुरु ||

गुल्मी असार ३१ गुल्मीमा पहिलो पटक आधुनिक प्रविधीको मेशिनबाट धान रोपाई सुरु गरिएको छ ।  धुर्कोट गाउँपालिकामा  जिल्लामै पहिलो पटक मेशिनबाट धान

गुल्मीमा ५ दिनमा ८ सय वढीको मतदाता नामावलीमा नाम दर्ता, उत्साह पुर्ण सहभागित

गुल्मी, ५ साउन । निर्वाचन आयोगको छुटेकामतदाता दर्ता संकंलन कार्य सुरु गरेपछि जिल्ला निर्वाचन गुल्मीमा उत्साह पूर्वक सहभागिता रहेको छ । आयोगले साउन १

गुल्मीको मालिका गाउँपालिकामा झोलुङ्गे पुल जिर्ण बन्दै,पुगेन कसैको आँखा

गुल्मी साउन १५– गुल्मीको मालिका गाउँपालिका वाड नं ३ र ४ लाई जोड्दे झोलुङ्गे पुल जिर्ण बन्दै गएको छ । उक्त गाउँपालिकाको  वाड नं ३ ह्वाङ्गीको

आज साउन महिनाको तेस्रो सोमबार रेसुङ्गामा बिशेष चहलपहल

गुल्मी साउन १६ – साउन महिना शिवको महिनाको रुपमा लिइ धार्मिक रुपमा लिइ बिशेष रुपमा आरधना गर्ने गरिन्छ । आज साउन महिनाको तेस्रो सोमबार महिलाहरु शिव